helm II

... und passend zum velohelm hani de grad no mini haar abghoue.

helm I

ds canberra isch helmpflicht für velofahrer. da hani mr halt o müesse a helm zue tue...

brocki perlene III

if you can walk, you can tango

das isch ds motto vo uesere tangoschuel tengotango. mau luege oeb sech's bewahrheitet... geschter hei mr uesi erschti lektion gha.


u das si mini tangoschueh...

10°c, windschtill

ir schtube, samschtig morge, halbi nüni, bibber bibber

12.5°c

das isch, gemäss äme thermometer woni hüt kouft ha, di aktuelli innetemperatur bi üs ir schtube. äs isch fritig, dr 13. am nami am 3. dr gasofe isch abgschtellt. itz hani dr bewiis. äs isch würklech chalt!
im büro, üsem chlinschte zimmer (ca. 10 m2), woni sozäge dur-ufenthalter bi, isch es dank em einte elektro-radiator knapp 20°c.

no comments, please :-)

hilfe! itz hani doch dä blog agfange schriebe, um mis schlächte gwüsse ds beruhige, wül ich chuum mit email beantworte nache chume. drumm bitte verschtöht, wenn i d'comments zwar läse, aber nid tue druf reagiere.
dr bescht wäg vo mier äs persönlechs läbenszeiche ds übercho isch glych immer no mis email: esther (punkt) infanger (ät) tcnet (punkt) ch oder skype: estherinfanger.

zum znacht bi üsne nachbare

normalerwys wär ja äs znacht bi de nachbare nid würklech erwähnenswärt. aber das isch äs ziemlech schpeziells znacht gsi. üsi nachbare si nämlech schtrikt praktizierendi muslim. si chöme us pakistan, är schtudiert hie im it-bereich u sie luegt zu de 4 chinder. iri wohnig isch übrigens glych gross wie üsi...
sy sy u nätt u hei üs scho am zwöite abe, womr früsch häre züglet si, afa mit feinem pakischtanischem ässe vrwöhne. mmhhh! und sithär bringt si ab und zue öppis vrby. chürzlech isch si mit äre cd cho, wo mr dr islamisch gloube hätt sölle nächer bringe. si sorgt sech chly um mi, wül i a nüt gloube....
aber zrugg zum znacht. si hei üs auso iglade u mier hei üs im vorus gar nid so vil gedanke gmacht. nume churz vorem übere gah, hei mr üs gfragt, wie das äch voschtatte geit. är, dr asim, cha nämlech nume mit em james kommuniziere u si, d sadia, nume mit mier. dr asim cha mr weder id ouge luege, no öppis zu mier säge (nid ämau zrugg grüess) oder mini hand schüttle. und d sadia isch vollschtändig schwarz igwandet, mit nume ämene schmale schpalt für d'ouge. u we si i d'nächi vomene ma chunnt, vrhüllt si o dä schpalt. aber mier hei üs dänkt, dass das dinne vilech andersch isch. dass we me iglade wird, me sech dinne cha träffe u underhalte. da hei mier üs girrt.
zersch isch dr james id wohnig ine glah und dür d schtube is lingge zimmer gschleuset worde. u de hanig ine chönne, is rächte zimmer. äs si de no zwöi witeri päärli cho, o muslim. d'manne beidi ossis, d froue eini ouschtralisch, di anderi indonesierin (sit 4 jahr in ouschtralie, cha aber leider immer no chuum änglisch). d'ouschtralierin isch genau glych wie d sadia vrhüllt gsi u hett ire name vo zoe zu seinab (isch schiins ä frou vom mohammed gsi) gändert. d indonesierin isch liberaler gsi u hett nume äs chopftuech treit. si hei sech alli mit "sister" agredt u, wie ni de vom james erfahre ha, d manne sech mit "brother".
mier froue hei's ziemlech entschpannt gha u über dis u das quatschet. bi de manne isch's hingäge vil ume gloube und um halal + haram gange.
ds ässe isch wunderbar gsi, liecht scharf u mit vil gwürz. s'isch aber u lang gange, bis mr hei afa ässe. irgend wenn hani de realisiert, dass zersch d manne ässe. mier froue hei de sozäge d räschte übercho. dr james hett das natürlech o nid gwüsst und hett inegschuflet u inegschuflet :-))). när hett er äs ziemlechs schlächts gwüsse gha...
mier hei se de o a üsi wohnigsiweihig iglade. u ig hätt sogar ds büro "women only" gmacht. "men only" wär de hingäge chly zwyt gange, wül immerhin geit är ja a d'uni u dert hett's o froue.... aber si hei de abgseit. einersits wül si nid hei wölle, dass äs für üs ds kompliziert wird, aber o, wül sie niened häre dörfe, wo alkohol trunke wird. schad.

tiptopfzopf

dr james hett sech ja scho ir schwyz chli am zopfbache gwidmet, aber hie muuseret er sech zum richtige profi. u dank em tiptopf (merci chrischtine!!) glingts o genau so wie's sött. mmhh!!

dusta

d'dusta isch im pensionsalter u nimmt ds läbe gmüetlech. iri lieblingsbeschäftigung isch benachbarte ponys go ds bsueche. aber leider wohne die ponys nid alli uf dr glyche wyse, so rennt si immer hin u här um jaa nüt ds vrpasse. u we dr james un'ig aube uf bsuech chöme, laht si üs o ab und zue ufsitze.

brocki perlene II

s'isch usklappbar! guests welcome...



























mini gnuschibox

house warming

dier sit natürlech o alli härzlech ä üsi housewarming party iglade!

und falls dr nid chöit cho, heit er itz emu üsi neui adrässe (25/2-6 clianthus street, o'connor, 2602 ACT), falls dr üs mau weit cho bsueche oder üs äs päckli mit feiner schwyzer schoggi weit schicke....

brocki perlene

o we d'brocki-kultur hie nid so blüeht wie bi ir schwyz, findt me doch ab und zue ä perle....

schtoubsuger












schuehschämeli