reisebericht: 7. u letschti etappe (21.1.08-23.1.08)

in sydney, üsere letschte etappe hett's de wieder abschied näh gheisse. schluchz. aber äs geit ja itz nid ämau me äs jahr u de chöme mr wieder hei...


di wichtigschte sehenswürdigkeite vo sydney uf ei tätsch: hafe, brügg u opere

reisebericht: 6. etappe (17.1.08-21.1.08)

ds tasmanie si mr uf interlake. hei nid chönne widerschtah. obwohl dr james gmeint hett, äs gäb sicher nid vil ds gseh... tja, är hett rächt gha: ewigi schotterschtrass u de ändlech drü verfalleni hüser zwüsche zwöi seene. that's it. de wieder via schotterschtrass zrugg. föteli hei mr kes gmacht.

ds highlight isch ä jetboat tour entlang dr küschte vo bruny island gsi. zersch hei mr aber mit dr fähri übere müesse.






läck die seelöie hei gschtunke!!!!!


bim zruggfahre hei üs de no äs paar delphine begleitet.


hie hetts am morge albe pinguine. aber mier si ds schpät drann gsi. und ig ha sowieso nüt gseh. bi im outo am schlafe gsi. die anti-schlächt-pille für ufs jetboat hett mi umghoue. aber schlächt isch mr nid worde :-)

reisebericht: 5. etappe (15.1.08-17.1.08)

zrugg nach melbourne as australian open, emu d eltere, mier hei wieder d schtadt gnosse.

reisebericht: 4. etappe (11.1.08-15.1.08)

4 täg great ocean road. d road isch nid so great gsi...


dr ocean bzw. d küschte umso meh








meischtens hetts gluftet wie gschtört und isch o ziemlech chüehl gsi. ouschtralische hochsummer....


mängisch isch d schtimmig chli schwierig worde. da hett üs dr james albe nume no vo hinde gseh... oder mier hei ihn gar nümm gseh.






vo dene kakadus hei mr albe scharewys gha. di wüsse genau, wo's öppis ds ässe git.


üse erscht koalabär hei mr mitts in lorne ufe me boum bim touri-office kreisel gseh. hei üs gfragt, ob da äch nachegholfe worde isch. när i de eukalyptuswälder hetts nume so gwimmlet vo ne.


jööhhh, äs baby....!!!!




i de wälder...




und o über de wälder hett me wunderschön chönne go schpaziere

reisebericht: 3. etappe (8.1.08-11.1.08)

melbourne, em james u mini lieblingsschtadt!




mier hei mit äme touri-boot ä tour ufem yarra gmacht u d schtadt mal vomene andere blickwinkel här gseh. schön. s'isch brüetend heiss gsi mit äme luft wie us äme pizzaofe und mini kamera hett irgendwenn dr geischt ufgäh. sithär hei alli föteli ä blauschtich ufs schtrübschte.

reisebericht: 2. etappe (5.1.08-8.1.08)

nach äre wuche am meer simer as paar täg uf canberra. dr wäg dert häre hett sech chli kompliziert geschtaltet mit usbuechete mietoutostatione, nid uf aschluss wartende bösse..., aber mier hei's de emu gschafft...

canberra isch ä poschtcharte-schtadt: schön zum aluege, chli schwierig zum derte läbe. drum hie äs paar poschtchartene:


ufem black mountain tower mit 360° ussicht uf canberra


lake burley-griffin, künschtlech agleit u benannt nach em urschprüngleche architekt bzw. planer vo canberra




sicht vom mount taylor via war memorial zum parlamäntshügel und -gebäude


sicht vom parlamäntshügel ufe mount taylor

reisebericht: 1. etappe (30.12.07-4.1.08)

warning für all die wo sech uf usfüehrlechi gschichte gfreut hei: us zytgründe wird das hie weniger ä reisebericht u me äs reisefotoalbum.


kangaroo valley: üse zwöit halt ufem wäg vom flughafe zur küschte. dr erscht halt isch imene outbahnreschti gsi, wo dr papi sy ouschtralieufenthalt mit äme hotdog gschtartet hett. i däm härzige beizli hett er sech de no äs bacon and egg zmorge ivrleibt :-)))






di erschti wuche hei mr de ar southcoast in ulladulla (äs totals touri kaff) vrbracht. mier hei für die ganz familie äs hus imene ussequartier gmietet gha: d ouschtralier hei d parterre wohnig gha u mier sy obe gsi. dr schtrand isch grad über dr schtrass gsi.
















pigeon house mountain (nid wyt vo ulladulla): ufschtig (schnauf) und ussicht (wow)

ändlech....

..... mäldi mi wieder und ändlech hett sech ds offizielle ouschtralie bi de aboriginals entschuldigt (hett chli lenger duret) u de national sorry day gschaffe. zwar nid drfür, dass ouschtralie überhoupt vo wysse igno worde isch, aber wenigschtens für greueltate wo i disem jahrhundert passiert si. das isch eis vo de wahlvrschpräche vom neue premierminischter gsi und är hett's am erschte tag, wo's parlament isch zäme cho - geschter - ighalte. alli no läbende ex-premiers si o cho. alli, usser dr johnny howard....! kes wunder, är hett sech während sine ganze 11 jahr nämlech immer gweigeret sorry ds säge.