göht hie go luege: www.chantalmichel.ch/wohnung
isch si nid ä troum?!
we alles guet geit, wird das üsi nöi wohnig si!!!! drücket üs düme!!
Montag, 24. November 2008
Sonntag, 23. November 2008
Freitag, 21. November 2008
vor äme jahr....
... hett dr james sini abschluss-usschtellig gha. geschter simer ar usschtellig vom enzo gsi.
dr enzo hett eigentlech mit em james zäme schtudiert, hett aber eis fach müesse wiederhole und isch drum ersch itze fertig worde.
ig ha übrigens wieder bim modällboue gholfe. di zwöi chline wysse si mini :-) dises mal bini aber vorsichtiger gsi.... mini fingerbeeri si no intakt.
und ier gseht, äs isch wieder movember.....!!!
dr enzo hett eigentlech mit em james zäme schtudiert, hett aber eis fach müesse wiederhole und isch drum ersch itze fertig worde.
ig ha übrigens wieder bim modällboue gholfe. di zwöi chline wysse si mini :-) dises mal bini aber vorsichtiger gsi.... mini fingerbeeri si no intakt.
und ier gseht, äs isch wieder movember.....!!!
Donnerstag, 20. November 2008
färnbediening
und ig ha gmeint, äs syg ä photoshop-witz gsi die färnbediening vom 11.11. .... aber was gesehni hüt bim lädele?
ds ändi naht
üsi heireis rückt immer wi nächer!
letscht wuchenänd hei mr d chündigung für d wohnig gschriebe (3 wuche chündigungsfrischt!), üses outöli inseriert u si go züguschachtle choufe. am wuchenänd vom 6. u 7. dezämber hei mr de ä wohnigsusvrchouf und ä wuche druf zügle mr zum james sine eltere. dert blibe mr über wiehnacht u neujahr bis mr am 10. jänner abflüge. juhui!
underdesse git's no einiges ds organisiere. das isch üsi to-do-wall :-)
letscht wuchenänd hei mr d chündigung für d wohnig gschriebe (3 wuche chündigungsfrischt!), üses outöli inseriert u si go züguschachtle choufe. am wuchenänd vom 6. u 7. dezämber hei mr de ä wohnigsusvrchouf und ä wuche druf zügle mr zum james sine eltere. dert blibe mr über wiehnacht u neujahr bis mr am 10. jänner abflüge. juhui!
underdesse git's no einiges ds organisiere. das isch üsi to-do-wall :-)
Dienstag, 18. November 2008
iitrag für d chantal :-)
hoi chantal
willkomme uf mim blog! i drücke dr alli düme für ds schloss :-) und hoffe scho bald vo dier ds ghöre.
hie no äs paar föteli, dass dr äs bessers bild vo üs chasch mache.
liebi grüess
esther
willkomme uf mim blog! i drücke dr alli düme für ds schloss :-) und hoffe scho bald vo dier ds ghöre.
hie no äs paar föteli, dass dr äs bessers bild vo üs chasch mache.
liebi grüess
esther
Montag, 17. November 2008
reparature
sit mr i üsi wohnig inezüglet si, hei üsi hähne tropfet und d badzimmer dechi hett gschimmlet. und regelmässig hei si üs vrschproche, äs wärdi itz de gmacht. isch aber nie passiert....
wül d bsitzere d wohnig itz wott vrchoufe, muess si se natürlech chli lah zwägmache. und ändlech chöme d handwärcher!
das isch dr hahne ir chuchi. ds tropfe isch gäge schluss zum rünne worde. literwys wasser heisses wasser isch da ds becki abe gloffe. und üsi schtromrächnig isch doppelt so gross wie letschts jahr gsi, wül dr boiler ununterbroche hett müesse ufheize....
sit dr sanitär isch cho, rünnts ir chuchi itz nümm und im badzimmer lavabo nume no schporadisch.... :-)
das isch üsi badzimmer dechi. appetitlich, oder?! gseht in natura no vil schlimmer us.
vor zwöi wuche am sunntig abe lütet ä paul a u seit, är sig für die reparature zueschtändig. öb er morn am morge chönn cho? isch üs de grad chli ds churzfrischtig gsi und usserdem hani denn ä prüefig gha. so heimers ufe mittwuch am morge am 8i vrschobe. mier si äxtra früecher ufgschtande, dass mr beidi zyt zum dusche gha hei und s isch 8i worde, 5 ab 8i, viertel ab 8i, halbi 9i,... irgendwenn hani de ufghört warte. ig ha de dänkt, s isch äuä äs missvrschtändnis gsi und är hett vor wuche druf gredt. am mittwuch druf drum nomau ds glyche schpili. u wieder nüt! am donnschti hett er de wieder aglüte, si chäme am fritig ufe mittag. a vorder termin hett er sech nid möge erinnere....
am fritig mittag chöme de die zwöi 'handymen'. dr eint um d dechi ds schtriche, dr anger um ne ventilator ids badzimmerfänschter und a dampfabzug ir chuchi ds montiere. aber die hei de grad chli ä schock gha. obwohl dr james dr paul lang u breit übere zueschtand vor wohnig ufklärt hett, hett dise das sine mitarbeiter nid würklech witergleitet. si hei sech uf äs easy fritig nami jöbli gfreut gha, aber nichts da! dr eint hett de afa ds bad abdecke, nachdäm i alles usegruumet ha gha u dr anger hett än ewigkeit mit sim chef telefoniert u situation erklärt.
dass alles vil ufwändiger als erwartet u budgetiert isch etc etc. nach äre schtund oder so, hetts plötzlech gheisse, SCHTOPP! dr chef hett d bsitzere nid chönne erreiche und ohni absägnig vo de mehchöschte hei si nid wölle witerfahre. so hei si de halt alles wieder zämepackt u si wieder abzoge.
bi ja gschpannt, wenn mr ds nächschte mal vo ne ghöre...
wül d bsitzere d wohnig itz wott vrchoufe, muess si se natürlech chli lah zwägmache. und ändlech chöme d handwärcher!
das isch dr hahne ir chuchi. ds tropfe isch gäge schluss zum rünne worde. literwys wasser heisses wasser isch da ds becki abe gloffe. und üsi schtromrächnig isch doppelt so gross wie letschts jahr gsi, wül dr boiler ununterbroche hett müesse ufheize....
sit dr sanitär isch cho, rünnts ir chuchi itz nümm und im badzimmer lavabo nume no schporadisch.... :-)
das isch üsi badzimmer dechi. appetitlich, oder?! gseht in natura no vil schlimmer us.
vor zwöi wuche am sunntig abe lütet ä paul a u seit, är sig für die reparature zueschtändig. öb er morn am morge chönn cho? isch üs de grad chli ds churzfrischtig gsi und usserdem hani denn ä prüefig gha. so heimers ufe mittwuch am morge am 8i vrschobe. mier si äxtra früecher ufgschtande, dass mr beidi zyt zum dusche gha hei und s isch 8i worde, 5 ab 8i, viertel ab 8i, halbi 9i,... irgendwenn hani de ufghört warte. ig ha de dänkt, s isch äuä äs missvrschtändnis gsi und är hett vor wuche druf gredt. am mittwuch druf drum nomau ds glyche schpili. u wieder nüt! am donnschti hett er de wieder aglüte, si chäme am fritig ufe mittag. a vorder termin hett er sech nid möge erinnere....
am fritig mittag chöme de die zwöi 'handymen'. dr eint um d dechi ds schtriche, dr anger um ne ventilator ids badzimmerfänschter und a dampfabzug ir chuchi ds montiere. aber die hei de grad chli ä schock gha. obwohl dr james dr paul lang u breit übere zueschtand vor wohnig ufklärt hett, hett dise das sine mitarbeiter nid würklech witergleitet. si hei sech uf äs easy fritig nami jöbli gfreut gha, aber nichts da! dr eint hett de afa ds bad abdecke, nachdäm i alles usegruumet ha gha u dr anger hett än ewigkeit mit sim chef telefoniert u situation erklärt.
dass alles vil ufwändiger als erwartet u budgetiert isch etc etc. nach äre schtund oder so, hetts plötzlech gheisse, SCHTOPP! dr chef hett d bsitzere nid chönne erreiche und ohni absägnig vo de mehchöschte hei si nid wölle witerfahre. so hei si de halt alles wieder zämepackt u si wieder abzoge.
bi ja gschpannt, wenn mr ds nächschte mal vo ne ghöre...
schnee.....!!!!
obwohl alli säge, äs schnei auso mängisch o in canberra, hani di letschte zwöi jahr vrgäbens druf gwartet.
zwöi mal isch's nääch cho, ds erschte mal ganz am afang (im februar 2007), wo canberra vomene 'supercell storm' isch heimgsuecht worde. aber nid mit schnee, mit hagel!!
(c) Canberra Times
meh föteli hie: klick
und ds zwöite mal dise früehlig. über wuchene hett ei boumsorte schneeflöckli um schneeflöckli ufe wäg gschickt. so schön! leider hei si die böim underdesse als gsundheitsrisiko deklariert (wägem heurüüme...) und äs dörfe kener nöii me pflanzt wärde.
zwöi mal isch's nääch cho, ds erschte mal ganz am afang (im februar 2007), wo canberra vomene 'supercell storm' isch heimgsuecht worde. aber nid mit schnee, mit hagel!!
(c) Canberra Times
meh föteli hie: klick
und ds zwöite mal dise früehlig. über wuchene hett ei boumsorte schneeflöckli um schneeflöckli ufe wäg gschickt. so schön! leider hei si die böim underdesse als gsundheitsrisiko deklariert (wägem heurüüme...) und äs dörfe kener nöii me pflanzt wärde.
Mittwoch, 12. November 2008
carbonmade portfolio
we dr weit chöiter ä erschte blick uf em james sis online portfolio wärfe:
www.jamesbatten.carbonmade.com
äs isch no under construction, git aber emu scho ne erschte idruck.
www.jamesbatten.carbonmade.com
äs isch no under construction, git aber emu scho ne erschte idruck.
Dienstag, 11. November 2008
Montag, 10. November 2008
graduation ceremony
scho gli isch's sowit! hüt hani di bedingti (!) iladig zur diplomfiir übercho. afangs dezämber weiss i de, öb i definitiv iglade bi :-)
Wir kommen zurück und brauchen einen Wohnung!
Liebe Leute
Nicht mehr lange und wir sind wieder zurück im schönen Schweizer-Ländli. Damit unsere 'We-are-back-Party' an einem gebührenden Ort stattfinden kann, brauchen wir Eure Hilfe!
Wir (Architekt + Ernährungsberaterin, AU/CH, NR) suchen in Bern (vorzugsweise Altstadt oder sonst Länggasse, Lorraine, Breitsch o.ä.) ab ca. anfangs Februar 2009 (oder nach Vereinbarung) eine Altbauwohnung (+/- 4 Zimmer) mit Balkon, Terrasse oder Garten für max. CHF 2500.-
Meldet Euch, wenn Ihr von etwas wisst, damit wir unsere Wohnungsbesichterin losschicken können :-)
Merci viumau!!!
Nicht mehr lange und wir sind wieder zurück im schönen Schweizer-Ländli. Damit unsere 'We-are-back-Party' an einem gebührenden Ort stattfinden kann, brauchen wir Eure Hilfe!
Wir (Architekt + Ernährungsberaterin, AU/CH, NR) suchen in Bern (vorzugsweise Altstadt oder sonst Länggasse, Lorraine, Breitsch o.ä.) ab ca. anfangs Februar 2009 (oder nach Vereinbarung) eine Altbauwohnung (+/- 4 Zimmer) mit Balkon, Terrasse oder Garten für max. CHF 2500.-
Meldet Euch, wenn Ihr von etwas wisst, damit wir unsere Wohnungsbesichterin losschicken können :-)
Merci viumau!!!
Montag, 3. November 2008
gschafft!
chume grad vo mire letschte prüefig! itz muessi ä monet uf d resultat warte u de hani's definitiv überschtande. underdesse wirdi aber wider meh zyt für blog ha....
Abonnieren
Kommentare (Atom)