happy new year 2009 to everybody!!!

familieföteli

hüt am morge si dr lee und d hollie scho wieder abgreist. bevor mr se ufe flughafe hei bracht, hei mr no äs paar familieföteli gschosse. geit äuä äs zytli bis mr wieder alli zäme si....


lee - hollie - james - miiiii - nana - candy - len - stocki - luke


luke - james - lee


nana mit raty


stocki - bitzi - skitty


jedi wiehnacht git's äs nöis puzzle zum zäme setze. wül mr dises jahr so schnäll si gsi, hei mr scho am 24igschte äs letschtjährigs müesse vürenäh. und das hett o nid lang häregha...

wiehnachtsvorbereitige

sit guet 10 tag läbe mr itz uf dr farm und underdesse isch o dr räscht vor familie itrudlet. am samschtig dr luke, am mäntig dr lee und d hollie und geschter no d nana (d grossmuetter).

hüt am abe geits los mit gschänkli uspacke. irgendwenn ir nacht chunnt de dr santaclaus u bringt allne ä gfüllte wienachts-socke u morn am abe git's de no ds grosse wiehnachtsznacht.

alles isch parat! am fritig hei dr james und ig no d liechtli rund ums hus ufghänkt. i bi dr gib-mr-reck-mr-häb-mr gsi und är hett d liechtli montiert.


dr chrischtboum hei mr dieses jahr nid müess zämeboue, nume dekoriere. das isch dr job vo de drü 'giele' gsi.










dr len hett sech um chrippe kümmeret...


und d nana un ig hei zuegluegt u kommentiert :-)

graduation

am mittwuch nami isch mini offizielli graduation ceremony vor university of canberra gsi. alles sehr pompös und sehr längwilig. d redene si sozäge idäntisch zu dene vo letscht jahr gsi... :-)


bim häreloufe


bim aschtah für dr umhang u dr huet. 45 minute....


aschliessend mit dr vicki deakin (mitti), mire supervisorin und är morgan (lings). i bi di einzige master(in) of nutrition und d morgan die einzigi master(in) of nutrition and dietetics gsi...


vorem parlamäntsgebäude mit candy u len. ds föteli mit em james muessi nech leider vorenthalte. är gseht super us, aber ig umso grässlicher.....

bye bye brigalow

nach üsem erfolgriche wohnigsusvrchouf hei mr d überblibsel entweder küderet, ine brocki bracht, i zügelschachtle vrpackt oder uf d farm bracht u di letschte zwöi täg hei mr putzt bis üsi fingerbeeri wund si gsi. aber itz isch's gschafft! hüt hei mr 'frei', morn am morge chunnt dr miguel, dr teppich-reiniger, am nami hani mini graduation ceremony (ja, mit dene komische hüet, wie im film...) und übermorn gäbe mr de üsi wohnig ab. u de hei mr zyt für d wiehnachtsgschänkli... :-))

help the honeybees!!

nid nume d wale bruche öii unterschtützig, d bienli hei's leider ö nötig. uf helpthehoneybees.com chöiter nech o sones härziges biendli baschtle :-))

wohnigsusvrchouf

hie äs paar impressione vo üsem wohnigsusvrchouf vo letschtem wuchenänd. äs hett total gfägt u mier hei guet gschäftet :-)












das si übrigens d nachbarschinder wo derte rächts am fänschter chläbe. si dörfe leider nid würklech vil use.....

gschafft, gschafft, gschafft!!!

ha grad mini letschte resultat übercho und juhui i bi dürecho!!!! i ha's gschafft!!!! ufff!!!

adopt a road

in ouschtralie cha me nid nume chinder sondern o schtrasse adoptiere. si gloubs chli pflegeliechter....

stachel-helm

d magpie agriff-saison isch zum glück scho wieder vrby. hie aber glich no äs föteli vor obelia mit ihrem magpie-abwehr-kabelbinder-stachel-helm. und si isch nid di einzigi wo so dür d gägend fahrt...

abchürzige

ohne worte :-)

velowäg

obwohl canberra anschiinend die velo-fründlechschti schtadt in ouschtralie söll si, si sech d outofahrer nid würklech gwöhnt, d schtrass mit velo ds teile... erschtens wül's nid würklech vil velofahrer hett und zwöitens wül di meischte d velowäge benütze.

ig bi mit dr zyt o fasch nume no uf de velowäge gfahre. unger anderem o wül i irgendwenn wieder ufghört ha, dr obligatorisch helm azlegge. isch mire frise u eitelkeit i wäg cho.... :-))

hi äs paar velowäg-abschiedsföteli

überhole erloubt...


überhole nid erloubt! nenei, isch ä witz. i hoffe's emu....


im zentrum isch d signalierig rächt guet. chuum chunnt me aber chli id suburbia, hett's nümm vil wägwiser oder leite eim alti schilder i di falschi richtig und höre velowäge abrupt uf...


das isch dr neuscht schrei! d outofahrer si vrpflichtet bi de zebraschtreife azhalte u tüe das o alli sehr pflichtbewusst (!!), aber bi de neu gschtaltete übergäng sötte d velofahrer itz abschtiege zum schtrass überquere. so ne schiggane! ha no nie öpper gseh abschtiege u bi o sälber no nie abgschtiege. aber i bi sicher, we d polizei ir nächi wär, chämts tüür!


bis vor churzem isch das no ä schöne schpilplatz mitz uf äre schuelwiese gsi. underdesse isch's zum gfängnis mutiert (di einti chäfig-türe isch zwar immer offe) u chinder gseht me nümm würklech vil. i bi sicher, uf d unfall-schtatistik hetts ä positive ifluss...

äs letschts mal ume see

s'isch wieder sowit. überall wo mr häre göh, dänki, das isch itz äuä ds letschte mau...

letscht wuche bini vorussichtlich äs letschts mal ume see gradlet u ha äs paar abschiedsföteli gschosse.

mis velo :-)


blick ufs carillon (äs gloggeturm-inschtrumänt)


im commonwealth park


blick ufs national museum und dr black mountain mit em telstra tower. und im vordergrund eine vo dene wunderschöne schwarze schwän mit de rote schnäbel. ha hie gloubs die ganze zwöi jahr nie ä wisse schwan gseh.


blick uf d skyline vo canberra. jööö ;-)






wie dr gseht, hett's o hie 'vita-parcours'....


... vo schweppes!!!