ouschtralischi alpe

vom 30.12. bis zum 1.1. simer churzentschlosse no äs letschts mal uf buckenderra zum cabin gfahre. chli wägg vo allem u ä letschti chance um di ouschtralischi alpe ds gseh. ds letschte mal hei mrs nämlech nid wiit gschafft. mier si losgfahre, aber wo üses outöli hett afa schtottere, hei mr schiss übercho, dass mr irgendwo im gaggo ohni handyempfang schtahblibe u si de wieder umkehrt.... dises mal mei mrs gschafft!!


ds erschte schild, nachdäm mr $16 itritt i nationalpark zahlt hei.... o wes gloubs o im winter nid wahnsinnig vil schnee hett, si schneechettine gross agseit. kes wunder, we hie alli jahr-i-jahr-us nume summerpneu fahre...


thredbo im summer u im winter :-)


dr kosciusuko express - express gloubs wüls ä vierplätzer isch, nid wäg dr gschwindigkeit - hett üs i 15 minute dr bärg ufegondelet.


ähnlech wie sigi-päckli, hei hie o sässelliftbillet ä gsundheitswarnig!


blick uf thredbo


vor ändstation obe simr de richtig mount kosciusuko - äm höchschte bärg in ouschtralie - los gloffe. dr ganz wäg beschteit entweder uf pflaschterschteine....


.... oder äme gitterroscht ig glyche breiti. äs gseht us wienie fuessgänger-outobahn wo sech dr bärg ufschänglet und hett o entschprächend vil lüt, mit chinderwage u allem....
ds loufe ufem gitterroscht isch aber erschtunlech schön, wül me öppe 20 cm überem bode louft und dürs gitter düre ufe bode, ufs gras und uf d blüemli gseht.






nach üsem schpaziergang (oder wanderig?) si mr de im höchschte reschti vo ouschtralie eis go zieh :-)




hmm, das isch dr nachteil vore wiitwinkel-kamera, we me nid wott gfötelet wärde. chli wäglehne längt nid...




ufem bärg obe hett nis di ganzi zyt ä bitterchalti bise um d ohre gluftet. ig ha no mit windjagge u kapuze chalt gha.


vom sässellift us hett me guet gseh, wo d pischte im winter muess düregah. nid wägem vrdrückte gras oder so, sondern wäge de schneekanone wo rächts u linggs positioniert si gsi :-)


zrugg i wärmeri gefielde. linggs ä wald, wo sech langsam wieder vomene waldbrand erholt.